اِرا تو آن گوادر نا ہندی مچی ہلوک آک گوادر پورٹ نا مونا تولوک برانز کننگ ءُ و اوفتا خواست سمندر ئٹ ٹرالنگ نا ایسری ءِ انتئے کہ بےکچ ٹرالنگ آن سمندر ئٹ مچی تا ودشت نا ہند آتے بھس کریسہ مچی تا زنک آتے کھٹفنگ مننگ ءِ، ہرانا سوب آن ہندی مچی ہلوک آکاسہ وخت ئنا اِرغ آن تمننگ ءُ و ٹرالنگ آن اوفتا معاشی خون مننگ ءِ۔
تدوکا سال نومبر – دسمبر نا تو وخت ئٹ گوادر ئٹی ہزار آ ہندی مچی ہلوک آک اسہ تو اسکان تولوک برانز کریسر و تیوہ بلوچستان ئٹٹرالنگ نا برخلاف بھلو کچ ئسے اسکان برانز بناء مسس، ہرا نا سروکی جماعت اسلامی بلوچستان نا سیکریٹری جنرل مولانا ہدایتالرحمن و حسین واڈیلہ حق دو بلوچستان نا تلہ آن کننگ ءُ۔
السی تاغت نا سوب آن وزیر اعٰلی بلوچستان برانز ئٹ اوار مروکا تتون تران کرے و ٹرالنگ مافیا نا برخلاف گام ارفنگ و بلوچستاناسمبلی ٹی ٹرالنگ نا برخلاف قانود جوڑنگ نا پڑو کرے، ہراڑان گڈ گوادر و ایب کیب ئنا دریابی علاقہ آتیٹ ٹرالنگ کم مسس ولےبلوچستان ئٹ ٹرالنگ مافیا انداخس تاغت تخک کہ وزیر اعٰلی بلوچستان نا باور تننگ آن بیدس ٹرالنگ برجاء ءِ۔ منَہ تو ٹرالنگ ئٹیکمبوتی آن پد داسا ٹرالنگ مافیا دیدہ دلیری ئٹ پاش دے ئنا روشنائی ٹی گوادر نا سمندری سیم آتیٹ ٹرالنگ کننگ ءِ ولے بلوچستانحکومت و محکمہ فشریز ٹرالنگ ءِ توننگ ئٹی بے سہب ءُ۔
ماہیگیر راہشون خداداد واجو نا پاننگ ءِ کہ اوفتا ٹرالنگ مافیا نا برخلاف جہد دہائی تیان برجاء ءِ، ولے ٹرالنگ مافیا نا بھلو کچ ئسےاسکان ممنوعہ جال آتیان مچی تا شکار آن داسا سمندر ئٹ مچیک کھٹنگ ءُ۔ بلوچستان ئٹ بر سراقتدار تاغت و اپوزیشن تپہ اک مچیہلوک آتا حق آتیکن توار بڑز کیرہ ولے عملی گام ارفنگ کپسہ۔
گودار نا مچی ہلوک آتا ویل آک اینو نا افس بلکہ دہائی تیان ہندی مچی ہلوک آک دا ہڑاند آتون مون تننگ ءُ۔ گوادر بندرگاہ جوڑ مننگآن اوفتا ویل آتیٹ ودکی مسنے۔ گوادر نا مچی ہلوک آتا ویل آک ایسر متور تو او برانز نا سخت انگا کسر ءِ تینائی کرور ہرا ساڑی آ بستو بند نا ویل آتیٹ ودکی کرو و مخلوق آجوئی نا سوچ ئنا کنڈ آ پام ایتو۔