بلوچستان ئٹ پاکستانی لشکر آ جلہو تیٹ ودکی

الّمی خوانبو

بلوچستان ئٹ پاکستانی لشکر آ جلہو تیٹ ودکی

ٹی بی پی سرگپ

بلوچستان تدوکا اِرا دہائی آن گیش وخت آن سلاء بند آزادی پسند تحریک آتا پلویڑ ئٹی ءِ ولے دا زوت ئٹ پاکستانی فوج آ جلہو آتیٹودکی خننگ مسنے، ہرافتیٹ پاکستانی آرمی ءِ باز جانی نسخان تون مون تروئی تمانے۔ بلوچستان نا بنجائی شار شال تون اوار کیچ ،خضدار، حب، کوہلو و نوشکی ٹی جلہو مسنے و دا جلہو آتیٹ اِرا بھلو جلہو اوار ءُ ہرافتیٹ آفیسر رینک ئنا کارندہ ہم خلنگانے۔

23 دسمبر آ نن ضلعی ہیڈ کوارٹر تربت نا کیب ئٹ گوکدان نا ہند آ مُست آن چاری جلہو کار آک ایف سی نا اسہ قافلے سے آ جلہوکریر، ہراٹی صوبیدار تون اوار چار کارندہ کسکر و ارٹمیکو جلہو 25 دسمبر آ ضلع کوہلو نا تحصیل کاہان ئٹ فوجی قافلہ آ مس، ہراٹی پاکستان آرمی نا کیپٹن تون اوار ہفت کارندہ کسکر۔

2022 نا سال بلوچستان ئٹ پاکستان نا سیکیورٹی فورسز  آتیکن باز کبین تما، 25 جنوری آ ضلع کیچ ئنا علاقہ دشت سبدان ئٹی فوجئنا کیمپ آ بی ایل ایف نا جلہو ئٹ دئے آن زیات فوجی کارندہ کسکر۔ 2 فروری نا نن بی ایل اے نا مجید بریگیڈ سیکیورٹی فورسز آتانوشکی و پنجگور کیمپ آتیا جلہو کرے، دا بلوچ جہد ئنا اولیکو گام ئس کہ مزاحمت کار آک سیکیورٹی فورسز آتا کیمپ ءِ کوزہ کریسہمُسہ دے اسکان کوزہ ءِ برجاء تخار و جنگ کریر۔

اپریل نا توہ کراچی یونیورسٹی ٹی مجید بریگیڈ نا شاری بلوچ کنفیوشس انسٹیوٹ نا چینی اساتذہ تے اسہ فدائی جلہو ئسے ٹی ٹککرے ہرا ٹی مُسہ چینی اساتذہ کسکر۔ دا بلوچ تاریخ ئٹ اولیکو فدائی جلہو ئس ہرادے بلوچ زالبول اس کریسس۔

جولائی نا توہ ئٹی بی ایل اے پاکستانی  فوج ئنا لیفٹیننٹ کرنل لئیق ءِ زیارت آن برمتہ کرے و ستمبر نا توہ ئٹی بی ایل اے فوج ئنا اسہصوبیدار ئسے دزگیر کریسہ پدان پاکستان ءِ براہ راست قیدی تا تبادلہ نا دعوت تسس۔ دا تدینیک بلوچ سلاء بند تنظیم آتا پالیسی تیٹرد و بدل ءِ پاش کیرہ۔

پاکستان نا دفاعی تجزیہ نگار آک پیشن گوئی کننگ ئسر کہ اوغانستان آ طالبان نا کوزہ آن پد بلوچ تحریک نزور مرو ولے دا منَہ سالآن بلوچ آزادی پسند سلاء بند تنظیم آک تینے دوارہ سوگوْ کننگ ءُ و سلاء بند تنظیم آتا پالیسی تیٹ رد و بدل آن پد اوفتا کاروائی تیٹترندی و دائرہ کار ئٹ ہم ودکی مننگ ءِ، داسا او بلوچستان آن پیشن کراچی ٹی چین ئنا مفاد آتے سدھا ٹک کننگ ءُ، ہراڑان بروکا وختئٹی چین و پاکستان نا ہڑاند آتیٹ ودکی مننگ نا خلیس ارے۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...