بلوچستان نا ساہ تروک آ لُمہ غاک

الّمی خوانبو

بلوچستان نا ساہ تروک آ لُمہ غاک

ٹی بی پی تیدری

نوشت: فتح بلوچ

بلوچستان ئٹ چُنا خننگ وخت آ کذیت آتیٹ بیم تروک ہد اسکان ودکی مسنے۔ اسہ سروے ئسے نا رد ئٹ دا سال بلوچستان ئٹ چنا خننگوخت آ کہوک آتا کچ ایم ایم آر 650 درسد آن زیات ءِ۔

تدوکا دے تیٹ ضلع ڈیرہ بگٹی ٹی اسہ پین زالبول اس خیرٹ مننگ وخت آ چنا تون اوار کذیت کریسس۔ دئے دے نا وخت ئٹ ڈیرہ بگٹیٹی کذیت کروک زالبول و پوسکن ودی مروک چنا تا کچ شش مس۔

حوال تا رد ئٹ ڈسٹرکٹ ہیڈ کوارٹر اسپتال ڈیرہ بگٹی ٹی گائناکالوجسٹ نا مفننگ نا سوب آن نت کُبین زالبول تا کذیت آتیٹ بیم تروک حداسکان ودکی مسنے۔

تدوکا دے تیٹ خلق ژانکو نا ہندی سعید بگٹی نا ورنا غا زائیفہ خیرٹ مننگ وخت آ تینا چنا تون اوار کذیت کرے، پن کروک زالبول اِرا چنانا لُمہ ئس۔

بلوچستان نا کہی علاقہ ہراڑے زالبول ڈاکٹر یا لیڈی ہیلتھ ورکر کون آ آسراتی ہم ساڑی اف ہموڑے دائی تیان کاریم برجاء ءِ۔

چاہوک آک پارہ کہ دا الّمی اف کہ نت کُبینی یا خیرٹ مننگ وخت آ ہر زالبول دڑد آتیان گدرینگے ولے دا المی ءِ کہ بیدس ہیل کروک وعطائی ڈاکٹر آتیا ہننگ مف و دڑدی آ خیرٹ آن رکھنگ کن نت کُبین زالبول ءِ زو اسپتال آ دننگے۔

ڈیرہ بگٹی آن بیدس بلوچستان نا کہی ضلع تیٹ اندا حالیت ءِ۔ دا المی ویل ءِ ہلیسہ دی بلوچستان پوسٹ ضلع کیچ نا ایران آن خڑکتحصیل مند ئٹ 32 سالی پری گل (فرضی پِن) نا اُست ہسون کروک تدینی ءِ نوشتہ کرے۔

پری گل نا اَرغ پائک کہ ہراتم اودے دڑد گمان مس تو ہڑدے نا وڑ دارو درمان کن ہندی دائی آ ہنا، بنائی دے تیٹ او ہندی دائی (زالبول آکہرا اُرائی تلہ غا چنا خننگ نا کیس تے ایسری ایترہ) نا پاروک اُرائی دارو درمان تے کاریم ئٹ ہیس ہراڑان اودے وختی وڑ ئٹ جاراترسینگا۔

اسہ نن اس ہراتم دڑد ئنا ترندی زیات مس گڑا اودے گیشتر دارو درمان کن تربت آ دننگ نا بندوبست کرین۔

منہ پیسہ وام ہلیسہ زو اسہ کرایہ گاڑی ئسے نا بندوبست کرین و تربت نا کنڈ آ پیشتمان۔ اسہ گھنٹہ نا سفر خراب کسر تا سوب آنچار گھنٹہ ٹی ایسر مس و تربت ءِ سر مننگ تون زائیفہ دم تسوسس۔

او پائک کہ دا بیرہ کنتون متنے بلکن داڑے ہر دئے اُرا ٹی اِرٹ نا اندا کسہ ءِ۔

ڈاکٹر ربابہ خان بلیدی پائک کہ بلوچستان ئٹ خیرٹ مننگ وخت آ کذیت آتا کچ ئنا حالیت داسکان بیم بش کروک ءِ، صوبہ ٹی خیرٹمننگ وخت آ اسہ لکھ آن 298 لُمہ مرگ ئنا باہ ٹی کارہ، دا کچ راجی نیمہ آن اِرٹ و پاکستان نا ایلو صوبہ تینا زیات ءِ، داسا ہم خلقیعلاقہ تیان خیرٹ مننگ وخت آ مروک کذیت آتا بھلو کچ اس رپورٹ مفک ہرا نا سوب آن تجزیہ رپورٹ و چنا خننگ وخت آ کذیت آتا غٹسوب تا درست چاہنداری مفک۔

بولان میڈیکل کالج کوئٹہ گائنی یونٹ نا پروفیسر ڈاکٹر نجمہ پائک کہ بلوچستان نا خراب انفراسٹرکچر خیرٹ مننگ وخت آ کذیت آتا کچئٹ ودکی نا اسہ بھلو سوب ئسے ولے سیلاب آن گڈ انفراسٹرکچر پین بھس مسنے ہراڑان نت کُبین زالبول تے دارو درمان نا جاہ تیسکانسر مننگ ئٹ سختی تون مون تروئی تمک۔

اسہ رپورٹ ئسے نا رد ئٹ بلوچستان نا 25 ٹی 735 بنداوی جانجوڑی نا بنجاہ تیٹ 196 بی ایچ یوز سیلاب و پِر تیان زہمی مسنوہرافتیٹ 24 بی ایچ یوز تیوہ بھس، 173 بی ایچ یوز نا ماڑی و در آتے دیخہ نسخان رسینگانے۔

پاکستان ئٹ خیرٹ مننگ وخت ئنا کذیت آتا کچ کل آن زیات بلوچستان ئٹی ءِ ہراڑے خیرٹ مروک اسہ لکھ آن 298 لُمہ کذیت کیرہ۔

محکمہ جانجوڑی نا رد ئٹ خیرٹ مننگ نا وخت آ 1000 ئٹی 78 ءِ 50 و اسہ لکھ ئٹ 298 زالبول تا کذیت ءِ 200 اسکان ہتنگ کنکوشست کننگ اُن ہرا کن ایل ایچ ویز نا کمبوتی ءِ پوروْ و گائناکالوجسٹ تے بھرتی کننگ ءُ۔

پاکستان انسٹی ٹیوٹ آف ڈویلپمنٹ اکنامکس اسلام آباد نا رپورٹ 2021 نا رد ئٹ پاکستان ئٹ کل آن زیات غریبی نا کچ 40.7 درسدبلوچستان ئٹی ءِ۔

خیال ئٹ مرے کہ بجٹ 2022-2021 ئٹ صوبائی حکومت تیوہ بلوچستان نا ضلع تیکن جانجوڑی نا تلہ تیٹ 38 ارب روپئی تخانے۔دافتیٹ اسپتال آتیٹی جانجوڑی نا غٹ آسراتی تے تننگ، الس ءِ دارو درمان کن آسراتی تننگ، اسپتال آتے پوسکن مشینری تا تننگ وپوسکن اسپتال ٹہیفنگ اوار ئس۔

اندن بنجائی حکومت نا کنڈ آن 2.937 بلین روپئی نا گرانٹ تننگا، دا خاص زر آن 5 پوسکن لیبارٹریز ٹہیفوئی ئس ولے بد بختی آن ہروخت آنبار دا زر کرپشن نا گواچی مس۔

چاگڑدی و سیاسی کڑدہ تا پاننگ ءِ خیرٹ مننگ وخت ئنا کذیت آتا کچ ئٹ کمبوتی کننگ مریک اگہ تیوہ بلوچستان ئٹ بنداوی جانجوڑیبنجاہ تے فعال کریسہ آسراتی تننگ مرے اندن دا بابت ئٹ بندغ آتےکونسلنگنا ہم گرج ءِ ولے غٹ گام تے حکومت ءِ ارفوئی تمو۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...