اوغانستان نا بنجائی شار کابل ئٹ اسہ شکبر خودکش جلہو کار اس وزارت خارجہ نا پیشن آ خودکش کرے، اسہ سینئر پولیس کارندہسے نا پاننگ ءِ کہ تراک ئٹ جانی نسخان مسنے۔
پولیس ترجمان خالد زدران پارے کہ تراک چار شمبے آ ہندی وخت ئنا رد ئٹ بیگہ نا چار بجہ نا وخت آ مس، او پین پارے کہ “سیکورٹیٹولیک علاقہ ٹی سر مسنو۔“
تراک ہموتم مس ہراتم چینی وفد وزارت خارجہ ٹی طالبان تون اوڑدئی کننگ ئس۔
حوال و دود ربیدگ نا نائب وزیر مہاجر فراہی اے ایف پی ءِ پارے، “اینو وزارت خارجہ ٹی اسہ چینی وفد ئسے بروئی ئس، ولے ننے سماءالو کہ او تراک نا وخت آ ہموڑے ساڑی اسر۔“
اے ایف پی نا اسہ ٹیم اس کابل ئٹ وزارت اطلاعات نا ماڑی نا بنجائی در آن خڑک انٹرویو ہلنگ ئس ہموتم تراک مس۔ جمشید کریمیپارے کہ “او کنا گاڑی نا خڑک آن گدرینگا و منہ سیکنڈ آن گڈ اسہ بھلو تراک اس مس۔“
“ای او بندغ ءِ تینے تراک ئٹ بال تننگا خناٹ۔“
اے ایف نا پک کروک اسہ ویڈیو ئسے ٹی خننگ مریک کہ تراک نا سوب آن جونک وزارت خارجہ نا بھلا دیوال (ہرافتیا طالبان نا بیرک نانشان ئس) آتیان پیشن کسر آ تالان تموک اسر۔
تراک آن گڈ منہ ٹپی ءُ بندغ ڈغار آ تموک کمک کن چیہانٹ خلنگ اسر، اندن ہموڑے ساڑی منہ بندغ کمک کن بسر۔ خن خنوک شاہد آتارد ئٹ وزارت خارجہ نا ماڑی ہم بھاز خراب نظر بننگے۔
طالبان نا دعویٰ ءِ کہ 2021 ئٹی دوارہ اقتدار ئٹ بننگ آن گڈ سیکورٹی ٹی جوانی بسنے ولے کہی بمب تراک و جلہوک مسنو، ہرافتیانبھاز آتا دعویٰ ءِ اسلامک اسٹیٹ (آئی ایس) ٹولی نا ہندی تنظیم کرینے۔
تدوکا توہ منہ جلہو کار آتا کابل ئٹ چینی پوریائی بندغ آتیکن پنی آ ہوٹل آ مروک جلہو ئٹ کم آن کم پنچ چینی شاری ٹپی مسوسر،ہرانا ذمہ واری ءِ آئی ایس ارفیسس۔
آئی ایس دسمبر ئٹی کابل ئٹ پاکستانی سفارت خانہ غا مروک جلہو نا ذمہ واری ءِ ارفیسس ہرانا اسلام آباد مذمت کریسہ تینا سفیر نابرخلاف “کسفنگ ئنا کوشست” پن کریسس۔
اکتوبر ئٹی کابل ئٹ وزارت داخلہ نا ڈغار ئٹ اسہ مسیت ئسے آ مروک جلہو ئٹ چار بندغ بیران و 25 ٹپی مسوسر، اندن بچوک آکپاریسر کہ دا اسہ خودکش جلہو اس ئس۔
و روسی سفارت خانہ نا اِرا #عملہ نا باسک آک ستمبر ئٹی اوفتا مشن آن پیشن اسہ خودکش بمب جلہو اسیٹ خلنگاسر ہرا نا ذمہواری ءِ ہم آئی ایس ارفیسس۔