مکران ڈویژن ئٹ اولیکو وار براہوئی بولی ہیل تننگ نا لڑ تربت سول سوسائٹی نا کنڈ آن بناء کننگانے۔
بلوچ آتا ارٹمیکو بھلا بولی براہوئی نا کلاس آک برجا سال جنوری آن عطاء شاد ڈگری کالج تربت ئٹی بناء کننگانو ہرافتیٹ ورنا تا بھلوکچ اس اُست خواہی نا درشانی کننگ ءِ۔
تربت سول سوسائٹی نا کنڈ آن تربت ئٹی براہوئی ہیل تننگ نا پڑو آن گڈ بھلو کچ اسیٹ نرینہ و زالبول خاص وڑ ئٹ ورنا تپہ نا کنڈ آناُست خواہی مونا بس، گورنمنٹ عطاء شاد ڈگری کالج تربت ئٹی کلاسز آتا باقاعدہ بناء 20 جنوری آن کننگا ہرا بیگہ نا 5 آن 6 بجہاسکان مننگ ءُ۔
تربت سول سوسائٹی نا کنوینر گلزار دوست پارے کہ تربت ئٹی براہوئی کلاسز آتا بناء کننگ نا مسخت بلوچ آتا ارٹمیکو بھلا بولی ءِمکران ریجن ئٹ درستی راستی کرفنگ و تینا بولی ءِ رکھنگ ءِ۔
او پارے کہ مکران ریجن نا بندغ آک تینا دا بولی ءِ سرپد مفننگ نا سوب آن کوئٹہ یا جھالاوان و سراوان ئٹ کارہ تو اسہ بیگانئی اسمحسوس کیرہ انتئے کہ نن براہوئی بولی ءِ سرپد مفنہ، داڑے کلاسز آتا بناء کننگ نا اسہ اہم مسخت اندا بیگانئی و مُری ءِ ایسر کننگ ءِ،ورنا تپہ نا اُست خواہی و کلاسز آتے باقاعدہ ہلنگ نا سوب آن ننا حوصلہ غاک پین سوگو مسنو۔
او پارے کہ بروک وخت ئٹ ننا کوشست دا مرو کہ جھالاوان، سراوان و رخشان ئٹ بلوچی بولی ہیل تننگ نا لڑ ءِ بناء کین تاکہ ننے ٹیبولی سرپد مفننگ نا مُریک ایسر مریر۔