روسی فوج شام ئنا نن نیما غا زاپوریژیا ٹی اسہ اپارٹمنٹ ئسے ٹک کرے جلہو ٹی مرگ ئنا ویل ہم مسونے و بندغ آک ٹپی ہم مسونو۔
یوکرین نا صدر ولودی میر زلنسکی نا پاننگ ءِ کہ روسی فوج شام ئنا نن نیما غا زاپوریژیا ٹی اسہ اپارٹمنٹ ئسے ٹک کرینے جلہو ٹی بھاز آ بندغ آک مرگ ئنا گواچی و ٹپی ہم مسونو۔
زلنسکی سوشل میڈیا آن شنک کروک بیان اسٹ پارے کہ روس زاپوریژیا آ جلہو کرینے کوزہ گیر آک شام ئنا وخت شار نا بنجائی شار ءِ ٹک کریر جلہو نا سوب آن بندغ آتا رینگوک اسہ جاگہ ئسے نا مسیٹمیکو، چارمیکو و پنجمیکو منزل ءِ نسخان مس۔
او پارے کہ” کہوک و ٹپی مروک آتیکن کمکی کاروائیک برجاہ ءِ دہشت گرد حکومت ننا شاری تا ہر دے دہشت گردی نا دے ئٹی بدلی کننگ خوائک ولے شر ننا ڈیہہ آ حاکمیت ٹہیفنگ کروف۔
صدر ولودی میر زلنسکی پارے کہ “نن تیوہ آ کوزہ گیر آتے تینا سیم تیان کشون وا اوفتیان ہر گڑا نا حساب ءِ ہلون ”