بی ایل اے پاکستانی لشکر آ جلہو و ہندی کارندہ ئسے مرگ ئنا گواچی کرے

الّمی خوانبو

بلوچ لبریشن آرمی نا ترجمان جیئند بلوچ شینک کروک بیان اٹ پارے کہ بی ایل اے نا سرمچار آک اینو کولواہ ئٹ کوزہ گیر پاکستانیلشکر نا اسہ پوسٹ ئسے جلہو ئٹ ٹِک کریر و قلات ئٹڈیتھ اسکواڈنا اسہ کارندہ ئسے مرک ئنا سزا ءِ ایسری تسر۔

جیئند بلوچ پارے کہ اینو سرمچار آک بیگہ تون شش بجہ نا وختا کیچ ئنا علاقہ کولواہ ئٹ کوزہ گیر پاکستانی لشکر نا جیرک پوسٹ آجلہو کریر، جلہو نا بناء سرمچار آک اسنائپر آن کریر ہرانا سوب اسہ کارندہ اس ٹپی مس۔

جلہو ئٹ سرمچار آک راکٹ و ایلو کبین آ سلہہ تے کاریم اٹ ایسر ہرانا سوب دژمن کارندہ آتے پین جانی و مالی نسخان ارفوئی تما۔

او مُستی پارے بی ایل اے نا سرمچار آک قلات، جوہان ئٹ اسہ کاروائی اسیٹ کوزہ گیر پاکستانی لشکر و ڈھکوک ادارہ غاتا ٹہیفوکڈیتھ اسکواڈ نا اسہ کارندہ عبدالحمید لہڑی نا مار اعجاز احمد ہند نرمک، قلات ءِ دزگیر کریر۔

سروسوج نا وختا اعجاز منا کہ او قلات، منگچر، جوہان و ایب کیب ئٹ دژمن نا ٹہیفوک ڈیتھ اسکواڈ نا اسہ کاریم کروک کارندہ ئسے۔او منا کہ او تدوک کہی وخت آن ڈیتھ اسکواڈ کارندہ غاتے ہند تننگ و منگچر و ایب کیب ئٹ بلوچ ورنا تا زوراکی ئٹ بیگواہی ئٹ اوارمسونے۔

ترجمان پارے کہ پِن کروک کارندہ مُستی منا کہ خدو مارچ ئٹ ناگاہو ئٹ مروک لشکر کشی نا وختا او کوزہ گیر پاکستانی لشکر ناکمکاری ئٹ پاش اوار مسونے۔

اعجاز احمد ءِ راجی غداری نا ڈو ئٹ بلوچ راجی عدالت مرک ئنا سزا تس، ہرادے اینو سرمچار آک ایسری تسر۔

بی ایل اے نا ترجمان جیئند بلوچ پارے کہ بڑز پِن کروک ہڑتوما کاروائی تا ذمہ واری ءِ ارفینہ۔ او پارے کہ راجی غداری کروک آتے ہچبربشخپرون، ننا جہد آزات وطن نا دوئی کننگ اسکان برجاء مرو۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...