نصیر آباد: ہفت سالی مسڑ ئسے تون زور ئٹ برام نا کوشست

الّمی خوانبو

بلوچستان نا ضلع نصیر آباد ئٹ پولیس تھانہ فلیجی نا ہند آتیٹ ہفت سالی مسڑ ئسے تون زور ئٹ برام کننگ نا کوشست، دوبہ دار آکمسڑ نا باوہ ءِ برمتہ کریر۔

ہندی بندغ تا رد ئٹ فلیجی پولیس ہم دوبہ دار تون ہمکوپئی کننگ ءِ، مسڑ نا پوہاڑ آتے بِنوکو کس اف، مسڑ نا لُمہ و ایلم میڈیا نا کمک ئٹبڑزکو کوالخواہ تیان انصاف نا خواست اکن پریس کلب ءِ سر مسر۔

دا بابت گوٹھ کھیا، تحصیل چھتر نا ہندی شفیع محمد دیرکھانی تینا لُمہ تون اوار میڈیا نمائندہ تون ہیت کریسہ پارے کہ دوبہ دار آکخادم حسین، محمد صلاح، بدل خان، گل خان زور ئٹ کنا ہفت سالی چنکا ہیڑ شہر بانو نا برام ءِ محمد صلاح تون کننگ خوارہ۔

معصوم مسڑ نا برام آن نمن کننگ آ دوبہ دار آک زور ئٹ ننا اُرا ٹی پترینگسہ توفک نا زور آ کنا باوہ محمد فضل دیرکھانی ءِ برمتہکریسہ دریر ہرا دائسکان اوفتا دوٹی ءِ۔ ایس ایچ او فلیجی آ برمتہ نا تدینی ءِ نوشتہ کرفنگ کن ہنان تو او دوبہ دار تا بر خلاف کاروائیکننگ آن نمن مس ہرا ننتون ظلم و زیاتی ئسے۔

او پارے کہ ہفت سالی معصوم مسڑ نا زور ئٹ برام ءِ کننگ بندغی حق آتا پاش لتاڑنگ ئسے۔ دوبہ دار آتا تاغتور مننگ نا سوب آن پولیساسہ پارہ غان کاروائی کننگ ءِ۔ نن غریب تپہ آن تعلقداری تخینہ و دوبہ دار آک تینا تاغت نا زور آ ننے تڑی تننگ ءُ۔ او پارے کہ نن اسُلتینتون ظلم و زیاتی ءِ سگپرون انصاف دوئی کننگ کن ہر در آ ہنون۔

مسڑ نا لُمہ پارے کہ کنا مسڑ ہرا نا سن ہفت سال ءِ او نابالغ ءِ و اونا برام ہچو دروشم اسیٹ مننگ کپک نن اسہ دروشم اسیٹ ہم تینا مسڑءِ اوفتا دوٹی تفرون و دن انگا ظلم و زیاتی نا بر خلاف توار ارفیسہ کرون۔

اوفک کوالخواہ تیان خواست کریر کہ دوبہ دار تے زو دزگیر کریسہ ننا باوہ ءِ یلہ کننگے و ننے انصاف تننگے نئے تو نن برانز کننگ ناحق ہم تخینہ۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...