پنجگور: پاکستانی لشکر نا دو آن ورنا اس بیگواہ

الّمی خوانبو

بلوچستان نا ضلع پنجگور ئٹ استو پاکستانی لشکر چھاپہ خلیسہ اسہ ورنا ئسے زوراکی ئٹ بیگواہ کرے۔

شابیتی حوال تا رد ئٹ استو پاکستانی لشکر پنجگور نا علاقہ خدابادان ئٹ اُرا ئسے آ چھاپہ خلیسہ ذاکر حسین نا مار مظاہر حسین ءِدزگیر کریسہ نادرست جاگہ غا درے۔

خاہوت تدینی ءِ پک کریسہ پارے کہ فورسز آک اُرا غا چھاپہ خلیسہ پن کروک ورنا ءِ نادرست جاگہ غا دریر، ہرا دائسکان یلہ کننگتنے۔

اوفک پاریر کہ چنک سن آ مظاہر حسین اسہ منڈ ءُ چنا ئسے اودے توڷ بش ئٹ سختی مریک۔ اوفک پاریر کہ او چنک سن ئٹ تینا اُرا ٹینیم درزن آن زیات مرک خنانے دا سخت حالیت آتیٹ او ذہنی اذیت تون مون تننگ ءِ۔

اوفک اونا یلہ کننگ نا خواست کریسہ پاریر کہ مظاہر حسین آن بیدس خاہوت ئٹ پین نرینہ اف دا چنک سن آ مار ءِ بیگواہ کننگ بھلوظلم ئسے، اودے زو یلہ کننگے۔

پُوسکنا حوالک

خضدار: زوراکی ئٹ بیگواہ کننگوک عبدالوہاب قلندرانی نا لمّہ کذیت کرے

اسہ سال ئس مُست پاکستانی لشکر نا دو آن زوراکی ئٹ بیگواہ کننگوک ورنا عبدالوہاب قلندرانی نا لمّہ کذیت...