بلوچستان نا علاقہ پنجگور و نوشکے ٹی اِرا بندغ نا وت کشی نا تدینیک رپورٹ مسونو۔
بلوچستان نا ضلع پنجگور ئٹ سما تمپروک سوب آتا بنداو آ اسہ بندغ اس وت کشی کرینے ہرا نا چاہنداری غفار نا مار جاسم نا پِن ئٹمسونے۔
ذرائع تا پاننگ ءِ کہ پن کروک بندغ وت کشی نا کوشست کرے ہرادے توسینگوک حالیت ئٹ ٹیچنگ اسپتال آ دننگا ہراڑے ڈاکٹر تا ساڑیمفننگ نا سوب اودے تربت آ دننگا ولے سر مننگ آن مالو او ساہ تس۔
اندن وت کشی نا اسہ پین تدینی اس بلوچستان نا علاقہ نوشکے آن رپورٹ مسونے ہراڑے وت کشی کروک بندغ نا چاہنداری عطاء اللہلانگو نا پن ئٹ مسونے۔ واہم وت کشی نا سوب آک دائسکان سما تمتنو۔
یاتی مرے بلوچستان ئٹ وت کشی نا تدینی تیٹ ودکی بسونے، برجاء ہفتہ ئٹ دا مسٹمیکو تدینی ءِ داڑان مالو کوئٹہ و کوہلو ٹی زالبولتون اوار اِرا بندغ وت کشی کریسر۔