آسیاب نا مون پاشی نا دود ہڈ تننگا

الّمی خوانبو

اردو بولی نا پنی آ شاعر، نغد کار، ناول نگار و ایڈیٹر اختر رضا سلیمی نا پوسکنا ناول “جندر” نا براہوئی مٹ “آسیاب” نا مجلس اڈ تننگا۔

ناول “جندر” ءِ اردو آن براہوئی ٹی ورنا غا شاعر و ادیب حسن ناصر مٹ کرینے۔ دا کتاب داکان مُست براہوئی نا پنی آ ادبی رسالہ ہفتئی تلار ئٹ بشخ آتیٹ شینک مریسہ کرینے و داسا اندا زوت ئٹ براہوئی ادبی سوسائٹی نا تلہ آن کتابی دروشم ئٹ شنگ مسنے۔

کوئٹہ اٹ مروک مجلس ئٹ کتاب ءِ مٹ کروک حسن ناصر تون اوار تخلیق کار اختر رضا سلیمی ہم اوار ئس و ہڑتوماک ناول نا بابت ئٹ تینا تینا خیال آتا درشانی کریر، اختر رضا ناول نا بابت ئٹ جتا سوج آتا ورندی ہم تس۔

مجلس ئٹ ساڑی براہوئی بولی نا خوانوکاک کتاب نا براہوئی مٹ “آسیاب” نا بابت ئٹ تینا خیال آتا درشانی کریر۔

ناول “جندر” اردو بولی نا خوانوکا تیٹ ہم باز پنی ءِ۔ و داسا دانا براہوئی مٹ “آسیاب” ہم براہوئی بولی نا خوانوکا تیٹ پن کھٹانے۔

مجلس ئٹ افضل مراد ،وحید زہیر، نور خان نواب محمد حسنی، عارف ضیاء، اے ڈی بلوچ، عبدالرازق ابابکی، پروفیسر حمیرا صدف حسنی، یوسفی بلوچ تبصرہ کریر۔

ایلو پارہ غان شاشان انجمن شعراء نا پارہ غان صابر ندیم نا حمد و نعت آتا کتاب “عطائے محمد” نا مون پاشی نا دود ہم اینو کوئٹہ اٹ مس۔

کتاب نا مون پاشی آن گڈ نعتیہ محفل مشاعرہ مس۔ دا مجلس ئٹ جتا تلہ غاتیان سیاسی و چاگڑدی باسک و راہشون تیتون اوار ادب دوست آک بھلو کچ اسیٹ بشخ ہلکر۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...