مستونگ تراک: جے یو آئی راہشون حافظ حمداللہ تون اوار یانزدہ بندغ ٹپی

الّمی خوانبو

بلوچستان نا ضلع مستونگ ٹی تراک نا سوب ئٹ پی ڈی ایم نا ترجمان و راہشون جے یو آئی حافظ اللہ تون اوار یانزدہ بندغ ٹپی مسونو ۔

پولیس نا ردئٹ مستونگ ٹی کسر نا کرک جمعیت راہشون نا الاخ نا رہی آ تراک ئس مس ۔ پولیس و رسیکیو ٹیم آک ہند آ رسینگار ۔

جے یو آئی ف نا ترجمان اسلم غوری نا پاننگ ئس کہ حافظ اللہ تراک نا سوب ٹی دیخہ ٹپی مسونے، اندن حافظ اللہ نا اِرا سنگت ہم تراک ئٹ ٹپی مسونو ۔

ڈپٹی کمشنر مستونگ عبدالرزاق ساسولی نا ردئٹ تدینی نا پٹ و پول بست و بند کننگ ءِ تراک خودکش ءِ یا اف دانا بابت دائسکان معلومداری رسینگتنے ، تراک ٹی حافظ حمد اللہ تون اوار 5 بندغ ٹپی مسونو ۔

اونا پاننگ ئس کہ حافظ اللہ نا حالیت خلیس آن پیشن ءِ ۔ حافظ اللہ ءِ مستونگ نا اسپتال ٹی بنائی کمک کننگا ہراڑان گڈ اودے و ایلو 2 ٹپی مروک آتے کوئٹہ آ دننگا ۔

پُوسکنا حوالک

خضدار: زوراکی ئٹ بیگواہ کننگوک عبدالوہاب قلندرانی نا لمّہ کذیت کرے

اسہ سال ئس مُست پاکستانی لشکر نا دو آن زوراکی ئٹ بیگواہ کننگوک ورنا عبدالوہاب قلندرانی نا لمّہ کذیت...