محکمہ مُد بحیرہ عرب نا جاندم دے کیہلنگ ئٹ ساڑی پوسکنا سمندری طوفان تیج ئنا بلوچستان نا پارہ غا بننگ نا پیشن گوئی کرے۔
محکمہ مُد نا پاننگ ءِ کہ بحیرہ عرب ئٹ پوسکنا سمندری طوفان بلوچستان نا پارہ غا بننگ ءِ۔ طوفان نا بھیم نا سوب پی ڈی ایم اے بلوچستان الرٹ شینگ کرینے۔ ہرا ٹی گوادر، لسبیلہ و حب ئنا ڈپٹی کمشنر آتے دمدستی گام ارفنگ نا پنت تننگانے۔
محکمہ مُد نا ردئٹ طوفان گوادر آن 1750 کلو میٹر جاندم و کراچی آن 1810 کلومیٹر جاندم دے کیہلنگ ئٹی ءِ۔
محکمہ مُد نا ردئٹ سمندری طوفان بروک آ 24 گھنٹہ ئٹ سلالہ اومان نا پارہ غان برو۔ ہراڑان بلوچستان ءِ زیات خطرہ اف۔