بلوچستان نا ضلع حب ئنا علاقہ ناکہ کھارڑی نا ہندی مخلوق نا پاننگ ءِ کہ پاکستان کوسٹ گارڈ ناکہ کھارڑی، گوٹھ ئنا کسر آ کھڈ خلسہ کسر ءِ بند کرینے، و گوٹھ ئنا ہندی مخلوق آ بےدادی کننگانے۔
ہندی مخلوق نا پاننگ ءِ کہ سرکار ننے پکّو ءُ کسر تننگ کتو نن تینا کمک تینٹ ئٹ کسر جوڑ کرین، داسا اندا کسر تے فورسز آک بند کننگ ءُ۔
ہندی بندغ آتا رد ئٹ اینو اوفتا پرامن برانز آ کوسٹ گارڈ نا لٹ کُٹ ئٹ ہشت آن زیات بندغ ٹپی مسنو۔
شابیتی حوال تا رد ئٹ ناکہ کھارڑی کوسٹ گارڈ چیک پوسٹ نا کنڈ آن خڑک ئنا ہندی گوٹھ ئنا کسر ءِ بند کننگ و گوٹھوں نا ہندی تیا بےدادے نا برخلاف موندرہ یکجہتی کونسل ناکہ کھارڑی نا مونا بنجائی دگ ءِ بند کریر۔
برانز کروکا تا رد ئٹ کوسٹ گارڈ کارندہ پرامن برانز کروکا تیا لٹ کُٹ کرے ہراڑان ہشت آن زیات بندغ ٹپی مسر۔ یاتی مرے کہ کسر داسا اُلاخ آتا ہن و بر کن ملوک ءِ۔