زوراکی ئٹ بیگواہ کننگوک ثناء اللہ نور ئنا ایڑ سلمیٰ بلوچ نا پاننگ ءِ کہ کنا ایلم ءِ 10 سال مُست 6 اپریل 2014 آ گچک پنجگور آن زوراکی ئٹ بیگواہ کننگاسس۔ دہ سال آن ای و کنا لمّہ باوہ بھاز اذیت و دڑد ئٹ زند گدریفنگ اُن۔
او پارے کہ ای ہم اسلام آباد برانز ئٹ اوار مسٹ ولے کنا ایلم نا بارو ئٹ ننے ہچو معلومداری تننگ متو۔
او ودیک پارے کہ اینو 27 فروری 2024 آ نن تینا ایلم نا رکھوک آجوئی کن بلوچ وائس فار جسٹس تون اوڑدئی ئٹ ایکس آ مہم بناء کرون۔
او پارے کہ ای غٹ چاگڑدی حوالکاری میڈیا ایکٹوسٹ آتیان خواست کیوہ کہ شام ئنا 7:00 آن نن ئنا 12:00 اسکان دا مہم ئٹ بشخ ہلیر و کنا ایلم نا رکھوک آجوئی کن توار بڑز کیر و ہیش ٹیگ #ReleaseSanaUllahNoor کارمرز کیر۔