اسہ سال ئس مُست پاکستانی لشکر نا دو آن زوراکی ئٹ بیگواہ کننگوک ورنا عبدالوہاب قلندرانی نا لمّہ کذیت کرے۔
زوراکی ئٹ بیگواہ کننگوک عبدالوہاب ولد عثمان قلندرانی خضدار نا علاقہ توتک نا ہندی ئسے ہرادے پاکستانی لشکر خدو 20 جون آ بولان کالونی آن بیگواہ کریسس ہرانا دائسکان ہچو ڈس اس اف۔
عبدالوہاب نا لمّہ تینا مار ئنا بیگواہی آن بھاز ڈکھیائی اس و درو سہب ئنا اُست ئنا دورہ ہلنگ آن کذیت کرینے۔
خیال ئٹ مرے کہ بلوچستان ئٹ زوراکی ئٹ بیگواہ کننگوک کیہی بندغ آتا لمّہ غاک و ایلو خاہوت نا بندغ آک تینا بندغ آتا انتظار ئٹی جہان آن رخصت مسنو۔