ڈیرہ مراد جمالی ٹی نا درست آ بندغ آتا بمب جلہو ئٹ پنچ بندغ ٹپی، بی آر جی ذمہ واری ءِ ارفے۔
چغلی بمب جلہو ڈیرہ مراد جمالی ٹی گریڈ اسٹیشن نا ہند آ مس، ہراڑے موٹر سائیکلی آک تعمیراتی کمپنی نا کارندہ غاتیا چغلی بمب ئس چغل تسر۔
ٹپی آتے ہسپتال آ دریر ہرافتیان اسٹ نا حالیت ءِ گندہ پاننگ ءُ۔
بلوچ ریپبلیکن گارڈز نا ترجمان دوستین بلوچ تینا شینک کروک بیان ئٹ پارینے کہ ننا سرمچار آک اینو ڈیرہ مراد جمالی ٹی کسر جوڑوکو اسہ کمپنی ئسے نا کارندہ غاتے چغلی بمب جلہو اسیٹی ٹِک کریر۔
ترجمان پارے کہ بی آر جی نا سرمچار آک ڈیرہ مراد جمالی گریڈ اسٹیشن نا خڑک آ کسر جوڑ کروکا کمپنی نا کارندہ غاتے چغلی بمب ئٹ ٹِک کریر، تراک نا سوب 5 کارندہ بھاز ٹپی مسر۔
ترجمان پارے کہ بلوچ ریپبلیکن گارڈز دا جلہو نا ذمہ واری ءِ ارفک و بلوچستان نا آجوئی اسکان قوضہ گیر پاکستانی لشکر و اونا کمک کار آتیا ننا دا وڑ ئنا جلہوک برجاء مرور۔