کیچ آن احوال آتا رد ئٹ پاکستانی لشکر نا دو آن زوراکی ئٹ بیگواہی نا گواچی مروک سعید بلوچ ولد موسیٰ و فرھاد ولد غفور پنچ توہ زوراکی ئٹ بیگواہی نا گواچی مننگ آن گڈ درو یلہ مسنو۔
یلہ مروکا بندغ آتا تعلقداری بلوچستان نا ضلع کیچ ئنا تحصیل تمپ ملانٹ آن ءِ ہرافک برجاء سال مئی ئٹ تمپ آن پاکستانی لشکر نا دو آن زوراکی ئٹ بیگواہی نا گواچی مسوسر۔
ہڑتوما ورنا تا یلہ مننگ ءِ اوفتا خڑک ئنا بندغ آک پک کریر۔