بیگواہ کلیم اللہ رودینی نا خاہوت سوراب نا جہہ آ کوئٹہ، کراچی بنجائی کسر ءِ ہر وڑ ئنا ہن و بر کن بند کرینے۔
برانز ئٹی زالبول تا بھلو کچ ئس اوار ءِ۔
یات مرے کہ درو سوراب گریڈ اسٹیشن نا جہہ آن نادرست آ سلہہ بند بندغ آک محمد گل رودینی نا مار کلیم اللہ رودینی ءِ بیگواہ کریر۔
خاہوت اونا بیگواہی نا برخلاف برانز کرسا بنجائی کسر ءِ بند کرینے۔ ہرا نا سوب آن ہزار آ مسافر گاڑیک گھٹ مسنو و جہی انتظامیہ نا کنڈ آن دائسکان ہچو گھامگیج متنے۔