پنجگور ئٹ بیگواہ بندغ آتا خاہوت آتا پارہ غان وشبود پولیس اسٹیشن آن سی پیک اسکان برانزی ریلی اس کشنگا۔
پولیس اسٹیشن وشبود نا مون آن تولوک برانز ئٹ بیگواہ مروک عاقل، حوالدار باب جان محمد بلوچ، ظہیر بلوچ، شعیب بلوچ و ایلو خاہوت آک بشخ ہلکر۔
پولیس اسٹیشن نا مون آن تولوک برانز ئٹ تران کروک آک پاریر کہ اگہ 24 گھنٹہ نا تہہ ئٹ عاقل و ایلو بیگواہ بندغ آتے یلہ کننگتئو گڑا تربت آ ہنوکا کسر ءِ ہم بند کرون۔
اوفک پاریر کہ ننے کسر ءِ بند کننگ نا شوق ءِ نئے کہ روچہ نا تو ئٹ برانز کننگ نا، ننا بندغ آتے بیگواہ کریسہ ننے برانز کننگ آ بیوس کننگانے۔
اوفک پاریر کہ عاقل و ایلو بیگواہ بندغ آتا یلہ کننگ اسکان تولوک برانز سی پیک کسر آ برجا مرو۔
اوفک پاریر کہ پولیس و ضلعی بست و بند بیوسی نا درشانی ءِ کننگ ءُ پولیس اسٹیشن نا مون آن اسہ شار نا بندغ ئسے ارفسہ دننگک ولے او بیوسی نا عکس جوڑ مریسہ بیرہ تماشا اُریک۔
او پاریر کہ ننا بندغ آک بے ڈوہ ءُ۔ اوفتے ارفسہ تیوہ خاہوت ذہنی ڈول ئٹ بے دادی تیان گدرینگک۔ او پاریر کہ ننا بندغ آتے یلہ کننگے۔