بلوچستان نا ضلع آواران ئٹ پاکستانی لشکر چار بیگواہ بندغ تے کسفسہ اوفتا جون تے گیاوان ئٹ خسانے۔
جون تا چاہنداری نیاز محمد نا مار ظہیر، عبدالواحد نا مار ارشاد، عبدالطیف نا مار سیف و عظیم نا مار توسیف نا پِن تیٹ مسنے۔
پن کروک ہر چار بندغ ءِ پاکستانی لشکر آواران نا علاقہ مشکے آن 28 فروری آ جتا علاقہ تیان دزگیر کریسس۔
خیال ئٹ مرے اوفتیتون اوار دزگیر مروک ایلو چار بندغ نا جونک مالو خسنگاسر۔ ہرافتا چاہنداری محمد عالم نا مار کامران، نیاز محمد نا مار معراج، اسلم نا مار مومن و حفیظ نا پن تیٹ مسنے۔ اوفتے زوراکی ئٹ بیگواہی نا اسہ دے ئسے آن پد کسفسہ گیاوان ئٹ خساسر۔