بلوچستان نا علاقہ مستونگ، اسپلنجی ئٹ پاکستانی لشکر بھلو کچ اسے ئٹ مستی گام خلیسہ ءِ، اینو اِرٹمیکو دے علاقہ ئٹ آپریشن برجا ءِ۔
علاقائی حوالکار آک ٹی بی پی ءِ پاریر کہ اسپلنجی و ایب کیب ئٹ پاکستانی لشکر نا زمینی فوج مستی گام خلیسہ ءِ، فوج ءِ بکتر بند و ایلو فوجی گاڑی تا کمک دوئی ءِ۔
پن کروک علاقہ آتیان دائسکان اسہ وڑ ئسے نا دزگیری یا جانی نسخان آتا حوال آک رسینگ مننگ کتنو اندن کالخواہ دا بابت ئٹ ہچو ہیت اس مون آ ہتنے۔