بلوچستان نا ضلع ڈیرہ بگٹی آن پاکستانی لشکر باوہ و مار تون اوار مُسہ بندغ دزگیر کریسہ بیگواہ کرینے۔
ڈیرہ بگٹی آن رسینگوک حوال آتا رد ئٹ پاکستانی لشکر ڈیرہ بگٹی ئٹ اسہ اُرا سے آ چھاپہ خلیسہ داد محمد بگٹی و اونا مار رہزن بگٹی ءِ دزگیر کریسہ زوراکی ئٹ بیگواہ کرینے۔
خاہوت خواست کرینے کہ اوفتے دمدستی وڑ ئٹ مون آ ہتنگ مرے۔
بلوچستان نا ضلع ڈیرہ بگٹی آن پاکستانی لشکر اسہ بندغ اس دزگیر کریسہ بیگواہ کرینے۔
بیگواہ مروک بندغ نا چاہنداری ریشو ولد خان محمد بگٹی نا پن ئٹ مسونے۔
حوالکار آتا رد ئٹ پاکستانی لشکر پن کروک بندغ ءِ اُراغان زوراکی ئٹ بیگواہ کرینے۔ خاہوت خواست کرینے کہ ریشو ءِ دمدستی وڑ ئٹ مون آ ہتنگ مرے۔
یاتی مرے کہ بلوچستان ئٹ زوراکی ئٹ بیگواہی تا دا لڑ اِرا دہائی آن برجاء ءِ۔ تدوک 24 گھنٹہ ئٹ ڈیرہ بگٹی آن زوراکی ئٹ بیگواہی تا دا مُسٹمیکو تدینی ءِ ہرا رپورٹ مسونے۔
اندنکہ کہ برجاء سال ہڑدے نا بنیات آ جتا انگا علاقہ آتیان زوراکی ئٹ بیگواہی تا کیسز آک رپورٹ مریسہ ءُ۔