زندان آن مُست ئنا زند یاکہ زندان آن پد ئنا زند
نوشت: دلوش بلوچ
دی بلوچستان پوسٹ
ای ہراتم 2019 ئٹ شال آ اناٹ گڑا 21 فروری لمئی زبان تا دے ئس ہمودے اسہ مشاعرہ اس ہڈ تننگاسس ای ہم ساڑی مسوٹ شاعر آ سنگت آک ئسر تلاوت مس اوکا پد اسہ شعوری ءُ ایڑ اس بس تینا خیال آتا درشان ءِ کرے کنے بھاز دوست بسر گپ آک تے او گودی ڈاکٹر صبیحہ ئس۔
اونا جتا ءُ سوچ اس ئس کنا جتا ءُ سوچ اس ئس ای ہمو وخت تینا قومی فوج ئنا سپاہی اس ئسوٹ گڑا مشاعرہ نا نیام ئس چاہ ئنا وخت ڈاکٹر صبیحہ و اسہ ایڑ اس پین ہم ئس نمرا پرکانی بسر کنے آن خڑک چاہ کنگر ای اوتیکے چاہ شاغاٹ گڑا اوکان گڈ مشاعرہ ننا نن ئنا 12 غا کٹا بس ای اناٹ تینا اُرا غا۔
منہ وخت جوان مس کہ ہمو شوم آک دریر کنے داسا ای نمے مثال اس پاوہ کنا سنگت آک کنا ایلمک کنا یار آک زندان آن یاکہ پین اسہ بلا ئسے آن ہچ خلپبو انتئے کہ نن اگہ اسلامی آ خن ئٹ اُرن تے تو صحابہ غاک نبیک دا زندانی کسہ غاتون انانو۔ اگہ نن پین مثال اس اُرن تینا بلوچ قوم نا پلوا تو ننے بھاز سنگت دنو رسینگک یا ننے جہان نا دیہاڑ ئٹ دنو مثال بھاز رسینگک۔
ای داسا زندان نا کسہ غاتے کیوہ سنگت آک خاص وڑئٹ شار ئنا راز داری بھاز کیر دا نن کن بھاز بھلو گڑا ئسے انتئے کہ نن دادے دن پوہ مفنہ ولے دا کنا جند نا کسہ اس تینا موبائل تے بدل کریٹہ یاتو ای زو زو تینا ایپس آتے ڈلیٹ کریٹہ ولدا ملاٹہ یاکہ میسج وائس داتے ہچ تینتو تختوٹہ دژمن ننا راز آتے انداکان خنک بس تُکہ ئٹ ننے بلیک میل کیک نم ہرا موبائل ٹے حال حوال کیرے سنگت آتو گڑا او موبائل ءِ ڈھکبو اسہ اندنو موبائل اس مرے نمتو کہ اوٹی ہچ مف اسل ہچ۔
داسا نن زندان نا کل کسہ تے کینہ کنتو انت انت مس ہر بندغ نا جتا ءُ سزا ئسے ٹارچر ئسے، کنا شش تو مس سزا گڑا سزا ٹے وڑ وڑ ئنا سزا ءُ دماغی و پین پین۔ 21 دے بے تغ اِرا گھنٹہ یا کم یا زیات خاچنگ کے الارہ کنے گڑا شش تو چٹار بس ولدا کنے شش جاہ زندان تیٹ دانگ اینگ دریر۔
کنا نوشت ئٹ خاص وڑئٹ اسہ کلہو ئسے ہمو کلہو زاکر جان نا لمہ کن ءِ، کنے بشخس لمہ جان ای نے ہموڑے کلہو ءِ سر کننگ کتوٹ ولے داسا پاوہ نے نا پھلو آ مار سلامت ءِ جوانے 2017 آن 2020 اسکان سہی سلامت ئسکہ 2020 آن پد ای پین جاگہ اس ئسوٹ- 2022 نا ہفتمیکو تُو ئس کنے اسلام آباد آ دریر شوم آک گڑا چار تُو ہموڑے مسوٹ ولدا شال ئٹ منہ تُو مسوٹ۔
2023 آن مچہ بڑز یا شیف گڑا کنے یلہ کریر داسا ای ہمو سنگت آتے پاوہ ہچ دن مف کہ زندان آ اناس ولدا بسس قومی فرض آن نی مُر مر دن ہچ مف دا قومی فرض ئٹ حساب کتاب ہچ مف۔ ای زندان آن پشماٹ تینا قومی فوج ئتو ولدا اوار مسوٹ۔ کاریم تے کرسہ سال اس شار ئٹی کاریم کرسہ ولدا مش تا سنگت آتون اوار مسوٹ۔ اسہ مثال اس زندانی ءُ دنکہ روسی جہدکار آتا کسہ اندن زندان خنار اندن کہ اوتے کتاب خُواننگ کن التوسہ ہرکس شاعری یا پین نوشتہ اس کریکہ تو مرگ ئنا سزا ئس، دنکہ بھگت سنگھ نا سنگت آک زندان ئٹ بھاز بندی مسر دا سختیک اریر اسہ ہنینو زند اسیکن۔
بس کنا کلہو ءِ زاکر نا لمہ غا سر کیرے کنا ایڑک کنا ایلمک کنا سنگت آک الّم۔
دی بلوچستان پوسٹ: دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک