سدا زندہ سَلوسک انت کَروسک ؟
مُدامی مے مَروسک انت کَروسک؟
زِراتے نا دَرے دا گوآدر ئے اَم
چَڑہ نی چُپ ہُروسک انت کَروسک؟
امو عِلم ئے عَمل تو ات بدل کر
چڑہ نی مُر مُٹوسک انت کَروسک؟
دِتر جونے سَفا ٹپّی دِماغے
ننے مُر آن بِنوسک انت کَروسک؟
اَرا ویدن تِکے جانے تِروکو
اَمو تے سُم خَلوسک انت کَروسک؟
سَلہ باغی امو باطیل ئتو نی
نواب ئے جی کَروسک انت کَروسک؟
ملاسی تے اگہ ناوڑ کُٹفپک
دتر دیخہ تِروسک انت کَروسک؟
خرینو دا کنا ہیتو سَلہ بن
غزل نظم ئے ہُشوسک انت کَروسک؟
مَتوسک زند ئٹی بِجار ئتو گر
کنا مَرگا بَروسک انت کَروسک؟
بجار بلوچ