بلوچستان نا ضلع کیچ نا علاقہ ہوشاپ ئٹ پاکستانی لشکر نا پارہ غان آپریشن برجاء ءِ، ہرا نا نیام ئٹ ہندی آبادی ءِ ترند سختی تون مون تِس ءِ۔
ہندی احوالکار آتا پاننگ ءِ کہ ہوشاپ نا جتا انگا علاقہ خاص وڑ ئٹ محمد بازار ئٹ بھلو کچ اس فوجی کارندہ ہتنگانے و اُرا اُرا ئٹ پٹ و پول نا عمل برجاء ءِ۔
احوالکار آتا رد ئٹ آپریشن نا نیام ئٹ فورسز کارندہ غاک بندغ آتے اُرا تیان پیشن کشیسہ دے آ سلیفنگسہ، اندن کیہی ہندی بندغ تا موبائل آتے ہم ہلنگ مسنے۔
ہندی بندغ آتا پاننگ ءِ کہ سہب ئنا وختی فورسز نا گاڑیک علاقہ ئٹ پترینگار و اُرا تیا چھاپہ خلنگ بناء کریر۔ زالبول و چنا تے ہم اُرا تیان پیشن کشنگا۔ موبائل فون آتے ہلکر۔
فوجی آپریشن نا بابت ئٹ سرکاری سطح غا اسہ ڈول نا ہیت اس مون آ بتنے۔