استو پاکستانی لشکر بلوچستان نا ضلع کیچ نا علاقہ شاہرک ئٹ اسہ اُرا ئسے آ چھاپہ خلسہ ورنا فراز میار ءِ دزگیر کننگ آن پد نادرست ہند آ درینے۔
ہندی حوالکار تا ردئٹ دا تدینی ننکان مس ہراتم فوجی کارندہ غاک خلق ءِ پلویڑ کریر اُرا ءِ پٹار و فراز میار ءِ دزگیر کریسہ تینتون دریر۔
فراز میار نا زوراکی ئٹ بیگواہی نا برخلاف اونا خاہوت و ہندی بندغ آک برانز ئٹ چائنا پاکستانی اکنامک کوریڈور (سی پیک) کسر ءِ بند کرینے۔ سی پیک کسر نا بند مننگ نا سوب ہڑتوم آ پارہ غاتیان گاڑی تا مرغن قطار آک لگوک ءُ۔
خیال ئٹ مرے بلوچستان ئٹ زوراکی نا بیگواہی تا تدینیک پوسکنو ہیت افس۔ بندغی حق آتا باسک آک و تنظیم آک بھلو وخت ئسے آن دا تدینی تا برخلاف توار بڑز کریسہ بسنو۔