بلوچستان نا علاقہ بلیدہ جاڑین آن چار بندغ نا جون آک خننگانو۔ کہوک ورنا تا چاہنداری ذاکر ولد عبداللہ، رزاق ولد عبداللہ، صادق و پیرجان نا پن تیٹ مسونے۔
ہندی احوال کار آتا رد ئٹ مُسہ ورنا زِردان کوچہ بلیدہ نا ہندی ئسر، ہندن اسہ ورنا ئسے نا تعلقداری بٹ کورے پشت جاڑین بازار آن پاننگنگ ءِ۔
علاقہ والا تا رد ئٹ دا ورناک کم و ود اسہ ہفتہ اس مالو پکنک کننگ کن ہناسر و ہمو دے آن اوفتا موبائل آک بند ئسر۔
اوفتا خاہوت والاک سوشل میڈیا غا کیہی پوسٹ آتا وسیلہ ئٹ اُلس آن کمک نا خواست کریسر۔ واہم اینو حوال رسینگا کہ چار انگا سنگت آتا جون آک جاڑین نا مشی آ علاقہ آتیان خننگانو، ہرا بھاز جُشوک حالیت ئٹ ئسر۔
حوالکار آتا رد ئٹ زہمی مروک ورنا تا موٹر سائیکل آتے ہم ہُشنگانے۔ تدینی نا حوال رسینگ تون خاہوت والاک و ہندی بندغ آک جون آتے دوئی کننگ کن مشی آ علاقہ نا پارہ غا ہننگ ءُ۔