جوژ ہلوک آ باوہ!
نوشتہ: جعفر قمبرانی
دی بلوچستان پوسٹ
کماش ہس سیپاچک اٹی تولوک رٹ کُٹ کریسا پارے:
امر یخ ءِ بیلی!
ای پاریٹ: کماش نی بائدے نِوان ئسے ٹی توڷ، سیپاچک اٹ چہ یخ کرو نمے ہلہ!
کماش خڑینکی آ خن تے تون بِشخِندہ کریسا پارے:
ای نِوان الوٹ، کنا مار انا انت مرو؟
ہمو مار ہرادے یانزدہ (11) سال مریک کہ تہار آ کوٹی تیٹی تموک بیگواہی نا آماچ ءِ۔
اودے تو نِوان ہم نصیب مفرو، اونا بدن گُوارِک تفوک سال مدام ہندن انگا سیپاچک آتا گواچی مرو!!!
وخت اس تو ہمونا احساس کنے گوارِک مننگ کن ہم ہلیپک۔ بدن یخ و است اٹ پوغ ئسے۔
سیخا ٹی تینا خیری نا زیہا تولوک کماش پاریسا کرے و ای خف توریسا کریٹ، اونا خنک بارُن و کنا خڑینکی ئسر
او پارے:
“زی آن ای گوارِک و تہان جوژ ہلوک اٹ کنا مڷ!”
دی بلوچستان پوسٹ: دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔