بلوچستان نا دارلحکومت کوئٹہ و کیچ آن پاکستانی لشکر نا دو آن زوراکی ئٹ بیگواہ چنک سن مار تون اوار چار بندغ یلہ مسور۔
شابیتی حوال آتا رد ئٹ برجا سال چار جنوری آ کلی قمبرانی آن زوراکی ئٹ بیگواہ کروک میر نصیب اللّٰہ و چنک سن مار گہرام ایلو سنگت آتون اوار یلہ مسر۔
داڑان بیدس تربت نا علاقہ سری کہن و آسکانی بازار آن اِرا بندغ ماجد ولد مولا بخش ہند آسکانی پنچ توہ پانزدہ دے بیگواہی و نور احمد ولد علی جان ہند سری کہن پنجا دے آن زوراکی ئٹ بیگواہی آن گڈ اینو یلہ مریسہ تینا اُرا غا سر مسر۔
بلوچستان ئٹ زوراکی نا بیگواہی تا برخلاف کاریم کروک آک حکومت آن خواست کرینو کہ کل بیگواہ بندغ آتے قانود نا رد ئٹ مون آ ہتنگے و زہمی خاہوت اتون انصاف کننگ مرے۔