جنگ کیرہ
دتر تے اُست ئنا ڈیھ ئٹ تِخیسہ دُن روانو جنگ کیرہ
بدن ٹُکر مِلی کپ کپ امر خوش ءُ گلانو جنگ کیرہ
جغر سینہ ہمے سَگ اٹ تینا سینہ تروکا اسلمی آ
کہ ہر مَشک ہم وڈ ئٹ سینہ تروکاتا اُرانو جنگ کیرہ
تخانو اُست ئنا بنداٹ تینا سُم تے بروکا وخت اکن دا
ہمو وختے امر دوٹی کننگ کن دِے خنانو جنگ کیرہ
کرور اک کُل تینا پوڑی ہمو ارمان آتے سوچ ئٹ اسٹ آ
مرور اک کل اوڈدہ وا خَنس دشت اٹ رُدانو جنگ کیرہ
امر ہشتاد سال اٹ وڈ وڈو ہٹکل تینا خُمب ئٹ کریسہ
خنے خَن تٹ خَلیسہ دژمن ءِ خُلسہ ہُشانو جنگ کیرہ
امر جنگے امر زندے امر ڈیھ ءِ تینا تینٹ گفینو
اسٹ آ جَون ٹی کُنگُر تُرندو سُم سہانو جنگ کیرہ
مروکو انتہا ٹی فکر اسے نا نی اُرس نودَل ہموتے
کسر بیرہ ہمودے کہ ، ہمودو اُر زِرانو جنگ کیرہ
نودَل بلوچ