ڈیہہ آ فدا مَرینہ شالہ گڑا برینہ
گڈی سُم ءِ کُنینہ شالہ گڑا برینہ
کانہ اول نُمے آن رند ئٹ تہار ئسے نا
سہب ئس پدا ہتینہ شالہ گڑا برینہ
عشق ئٹ ڈغار ئنا دا چٹ گوہنہ وجود ءِ
مرگا پدا مخینہ شالہ گڑا برینہ
کپک اگہ ہمو ہیتے حق ئنا۔۔ دننگا
میر ءِ شتٹ خلینہ شالہ گڑا برینہ
مرگے دروت ہلیسہ تینٹ اول مرینہ
زندہ سدا سلینہ شالہ گڑا برینہ
نن ارفنہ تینا بڈا مہر ئنا خوا تے
شار آ نما دڑینہ شالہ گڑا برینہ
رخصت نمے کریسہ جنگٹ دڑینہ
سُم دژمن آ شلینہ شالہ گڑا برینہ
زندہ مدام سلینہ استار تتو زروکا
وا پئور ئتو سُرینہ شالہ گڑا برینہ
توفک کتاب ئتو نن بجار بغل مرینہ
ظلم ءِ پدا بٹینہ شالہ گڑا برینہ
بجار بلوچ