فکری ءُ دا دلدار ئسے – توثیق درویش

فکری ءُ دا دلدار ئسے
‎دھرتی کہ دا مشمار ئسے
‎کپ کپ مس اونا بدن
‎قبر اس خنا او نئے کفن
‎بمب ءِ کرے ننکن بغل
‎دشمن نا ساہ ءِ تس چغل
‎ہائے امان او ساہ و جان
‎دنو دلیری تس نشان
‎آخر دم اِسکان دُن وفا
‎مہر ءِ اونا دنیا خنا
‎بیرک ءِ او خنتیا تخا
‎دشمن تیا او سُم شلا
‎سوچِو ای پا نے آ امر
‎نے آ امر کپر گمر
‎خیال اس اگہ لکھو نے آ
‎لوزاک مریرہ بے کسر
‎انت انت لکھو یار اکن
‎جنگول آ دا دلدار اکن
‎ورنا غا ای مشمار اکن
‎آجوئی نا دشتار اکن
‎دپک نے اُستان ہچ ڈغار
‎نی ئسوسہ نی اُس اوار
‎ورنا تا رہبر جائی اُس
‎نی سرمچار اُس سائیں اُس
‎نی حق ئنا سپائی اُس
‎آجو اکن نی رائی اُس
‎ہمت نا ئسوس  چیدہ ئس
‎مسوس نی ننکہ قبلہ ئس
‎خیالاتیٹی اندُن مدام
‎یاداتیٹی اُس سہُب و شام
‎ایتک گروک شالہ امن
‎آجو مرون زو اس وطن
‎درویش یار ءِ توسُل ءِ
‎شاعر وطن نا سُمبل ءِ
‎فکری ءُ دا دلدار ئسے
‎دھرتی کہ دا مشمار ئسے
‎
‎توثیق درویش