دی روٹس پنی آ ناول ءِ “بنچخ“ نا پنٹ براہوئی بولی ٹی مٹ و بدل کننگانے۔ دا مٹ و بدل ءِ براہوئی بولی نا پنی آ ادیب رازق ابابکی کرینے۔ و بلوچی اکیڈمی نا پارہ غان چھاپ و شینک مسونے۔
یاتی “دی روٹس” ناول پنی آ زانتکار ایلکس ہیلی نا نوشتوک ئسے۔ دا ناول افریقن سیاہ فام نیشنلزم نا زیہا نوشتہ کننگانے۔
دا ناول ءِ براہوئی ٹی مٹ و بدل کروکا رازق ابابکی ہڑدے ئی و ہفتئی تلار نا ایڈیٹر ءِ۔ رازق ابابکی داڑان مُست ام کہی جہانی ناول، افسانہ و سفر نامہ تے براہوئی ئٹ مٹ کرینے۔ رازق ابابکی نا مٹ و بدل کروکا کتاباک دا وڑ ٹی ء: “ جارج آر ویل نا اینیمل فارم “، ابو طالب لندنی نا سفر نامہ “پند ورند“، جہانی افسانہ غاتے اسے جاہ کریسہ “بے بندغی ہند” نا پنٹ چھاپ کننگانے۔