چار شمبے نا دے بلوچستان نا علاقہ اوستہ محمد ٹی سلاء بند بندغ آک سم کاری کریسہ 4 بندغ ءِ کسفیر۔ پولیس نا پاننگ ءِ کہ گنداخہ نا علاقہ ٹی سلاء بند بندغ آک اسہ اُرا ئسے آ سم کاری کریر ہرانا سوب آن چار بندغ مرگ نا گواچی مسر۔
سم کاری آن اِرا چنا ہم ٹپی مسر۔ ٹپی آک دوا درمان کننگ کن اسپتال آ سر کننگار۔ مرگ نا گواچی مروکا بندغ آتیٹ ظفر اللہ مینگل، منظور مینگل، ناصر علی پندرانی و بخش علی پندرانی اوار ءُ، اندن ٹپی آتا چائنداری الطاف و نور خان مینگل نا پن آتیٹ مسونو۔
سپرنٹنڈنٹ پولیس افتخار احمد نا پاننگ ءِ کہ دا ویل قبائلی جیڑہ نا سوب آن مسونے واہم ویل ئنا سر و سوج برجا ءِ۔