بلوچستان نا علاقہ بیلہ ٹی گیس منصوبہ پانزدہ سال ئنا سے پد تموکے، مخلوق گیس ئنا آسراتی تیان بے بشخ، گیس ئنا پائپ لائن تا ٹہیفنگ ءِ ہم بھاز وخت گدرینگانے۔
مخلوق تون چم بازی کریسہ تعلقدار ذمہ وار آک گم مسر، گیشتر حوال تا رد ئٹ وزیر اعلی بلوچستان نا بنماسی علاقہ بیلہ ٹی گیسں نا آسراتیک ساڑی افس، بانزدہ سال مس گیس نا منصوبہ آ کاریم بناء مسوسس پائپ لائن آتا جاگہ نا خوتینگ و ٹہیفنگ نا کاریم ہم پورہ کننگاسس مخلوق ءِ گیس تننگ داسکان مننگ کتو۔
سکی جھالاوان گیس کمینی گیس کمیشن نا است خواہی صارفین آن کنکشن فیس فی کس مبلغ پنج ہزار رپئی نیشنل بنک بیلہ برانچ ٹی مچ ہم کرفیسس ہرادے مسہ سال مریک، لس مخلوق آن لائن آن ہیت کریسہ پاریر کہ بیلہ ٹی گیس نا آسراتی مفرینگ نا سوب آن سختی تا گواچی ءِ۔
او پین پاریر کہ دا منصوبہ داسکان مخلوق کن فائدہ تروک متئو ہرا خلیفوک گڑاس ءِ و اختیار دار آتا خن تری درشانی نا ثبوت ءِ، علاقائی مخلوق خواست کرینے بیلہ نا مخلوق ءِ زوت گیس ئنا آسراتی تریسہ سختی تیان آزاد کیر۔