پاکستان ئٹ جہانی دین کورونا وائرس آن تدوکا 24 گھنٹہ نا نیام ئٹی پین 71 بندغ مرگ نا گواچی مسونو ،اندن جمعی وڑ ئٹ کہوک آتا کچ 27 ہزار 206 مسونے۔
نیشنل کمانڈ اینڈ آپریشن سینٹر ( این سی او سی ) نا کنڈان شینک کروکا پوسکنا حساب نا رد ئٹ تدوکا 24 گھنٹہ نا نیام ئٹی تیوہ آ پاکستان ئٹ پین 2 ہزار 580 کورونا کیس رپورٹ مسونو، ملک ئٹ کورونا کیس آتا جمعی کچ 12 لکھ 23 ہزار 84 مسونے۔
این سی او سی نا رد ئٹ تدوکا تدوکا بیست و چار گھنٹہ نا نیام ئٹی تیوہ آ پاکستان ئٹ 55 ہزار 27 کورونا ٹیسٹ کننگانے و مثبت کیس آتا کچ 68-4 فیصد مس۔
گیشتر حوال تا رد ئٹ سندھ ئٹی کورونا نا کیس آتا کچ 4 لکھ 50 ہزار 126، خیبر پختونخوا ٹی اسہ لکھ 71 ہزار 72، پنجاب ٹی 4 لکھ 21 ہزار 800، اسلام آباد ٹی اسہ لکھ 4 ہزار 114، بلوچستان ٹی 32 ہزار 757، آزاد کشمیر ٹی 33 ہزار 732 و گلگت بلتستان ٹی 10 ہزار 240 مسونو۔
کورونا آن تیوہ زیات مرگ پنجاب ٹی مسونے ہراڑے12 ہزار 396 بندغ مرگ نا گواچی مسونو،اندن سندھ ئٹی7 ہزار 258 ، خیبر پختون خواہ ٹی 5 ہزار 395 ، اسلام آباد ٹی902 ،گلگت ٹی بلتستان 182، اندن بلوچستان ئٹ 344 و آزاد کشمیر ٹی 729 بندغ مرگ نا گواچی مسونو۔