دے ٹکی بلوچستان نا ہندی بندغ ئسینا جوْن دے کہی بلوچستان نا ساحلی شار آن خننگانے۔
حوال تا رد ئٹ دا بندغ دے ٹکی بلوچستان نا علاقہ دشت زرین بگ نا ہندی ئسے ہرا داسہ دے کہی بلوچستان ٹی ہندی ئس و تدوکا دے سنگت آتون چابہار آ ہناسس ہراکان اونا جوْن خننگانے۔
کہوک آ بندغ نا چاہنداری یونس، ملا داؤد نا مار پِن کروک کامریڈ میراس نا پن آن مسونے۔ دا بندغ ساگر گوادری نا پن آن ہم چاہنگک و او شاعری تون اوار سرحال تیا نوشتہ کریکہ۔
داسکان تدینی نا سوب آک درست متنو اندن تدوکا وخت ئٹ دا وڑ نا تدینی تا بابت قوم پرست حلقہ غاک پاکستانی ڈھکوکا ایجنسی تیا دوبہ خلکنو۔
یاتی مرے دے ٹکی بلوچستان ئٹ فوجی بے دادی و آپریشن تا سوب آن ہزار آتا کچ ئٹ بندغ آک دے کہی بلوچستان ئٹ جاگہی ءُ اندن اوڑے ہم کسفنگ نا تدینیک ہر وخت مونا بننگ ءُ۔