حوال تا رد ئٹ وندر نا علاقہ آدم گھنڈ نا خُڑک آ مسافر کوچ الیوسف و ویگن نا ڈک لگنگ آن شش بندغ بیران و 15 سخت ٹپی مسنو۔
تدینی ٹی شش بندغ جاگہ غا ساہ تسنو ہرافتیٹی ڈرائور ہم تُد ءِ و ٹپی آتے وندر سول اسپتال آ دننگ نا کاریمک برجاء ءُ۔
یاتی مرے بلوچستان نا ضلع ژوب ئٹی جولائی نا سئے تاریخ آ راولپنڈی آن شال آ ہنوکا مسافر کوچ ئنا بیم تروک تدینی ٹی 19 بندغ بیران اندن 14 ٹپی مسوسر۔
دا تدینی ٹی کہوکا تیٹ زالبول، چُنا و اِرا نودربر ہم اوار ئسر۔
بلوچستان ئٹی تنک و پنوکا روڈ آک و وخت اس ڈرائور آتا بےچکاری بلوچستان ئٹی روڈ شکست آتا کُل آن بھلا سوب پاننگک۔
بلوچستان ئٹی ساندہ روڈ شکست آ تیٹ کہی بندغ آک بیران و ٹپی مریرہ و وخت وخت دا کچ سال ئٹی ہزار آتا حساب ئٹ مریک۔