چمن ئٹ اُلاخ ئسے نا چپی مننگ آن 4 بندغ مرگ ئنا گواچی مسر۔
حوال تا رد ئٹ بلوچستان نا علاقہ چمن ئٹی چمن بائی پاس آ ترندی ئٹ ہنوک اُلاخ نا بریک فیل مننگ آن چپی مس، کار ئٹ سوار مُسہچُنا تون اوار چار بندغ بیران و اِرا بندغ ٹپی مسر۔
ہندی بست و بند کمکی ٹولی تون اوار تدینی نا جاگہ غا سر مریسہ ٹپی آتے جانجوڑی کمک کن کوئٹہ آ سر کریر، اُلاخ ئٹ سوار بندغآک مردہ کاریز آن شار ئنا کنڈ آ ہننگ ئسر کہ نا گمان آ اُلاخ نا بریک فیل مننگ آن اُلاخ چپی مس۔
چمن بست و بند المی کاروائی آن گڈ بیران مروک آتا جون تے خاہوت نا حوالہ کرے۔