بلوچستان نا ضلع کیچ آن پاکستانی لشکر اسہ خوانندہ ئسے زوراکی ئٹ بیگواہی نا گواچی کریسہ نادرست جاگہ آ درینے۔
بیگواہ خوانندہ نا چاہنداری فضل نا مار جہانزیب نا پن ئٹ مسونے ہرا عطاء شاد ڈگری کالج نا خوانندہ ئسے۔
حوال تا رد ئٹ فورسز آک پن کروک خوانندہ ءِ درو دو بجہ غا تربت نا علاقہ آبسر ئٹ ہاتم جنرل اسٹور آن دزگیر کریسہ نادرست جاگہ آدریر۔
ذرائع تا رد ئٹ جہانزیب فرسٹ ایئر نا خوانندہ ئسے و فورسز آک اودے ہموتم دزگیر کریر ہراتم او بیگہ نا وخت آ پن کروک جنرل اسٹورئٹ کاریم کننگ ئس۔