نوابشاہ، سکرنڈ نا خلق ماڑی جلبانی ٹی پاکستانی فورسز و پولیس کارندہ آک پیرنگا سندھی راج دوست راہشون رجب جلبانی نا ارا آ چھاپہ خلکر ، دا وخت سم کاری آن 5 زالبول و ارا نرینہ مرگ ئنا گواچی کننگار۔
یاتی مرے کہ داکان مالو ہم کیہی وار پاکستانی فورسز کارندہ آک راج دوست راہشون جلبانی نا ارا آ چھاپہ خلکونے و اسہ وار زوراکی ئٹ بیگواہ ہم کننگا۔
دا وختا وائس فار مسنگ پرسنز آف سندھ بیان شینک کریسہ پارے کہ اینو پاکستانی فورسز سکرنڈ ٹی 5 زالبول تون اوار 2 نرینہ ءِ شہید کریر ، دا بندغی حق آتا پاش لتاڑنگ ئسے ۔ جہانی ادارہ و بندغی حق آتا گل آک زوت ئٹ نوٹس ہلیر و تیوہ سندھ ٹی ترند رد عمل و برانز نا خواست کینہ۔
اندن دا تدینی آ جیئے سندھ قومی محاذ ( آریسر ) چیئرمین اسلم خیرپوری تون اوار گیشتر راج دوست ٹولیک و سیاسی راجی گل آتا پارہ غان ڈکھ و غصہ نا درشانی مننگ ءِ۔