خاران ئٹ نا درست آ بندغ آک گچین کاری مہم کن ہڈ تروکا مچی ءِ جلہو ئٹ ٹک کریر۔
حوال تا رد ئٹ بلوچستان نا ضلع خاران ئٹ نا درست آ بندغ آک مسکوہی وزیر داخلہ بلوچستان شعیب نوشیروانی نا کماشی ٹی ہڈ تروکا گچین کاری کارنر میٹنگ آ چغلی بمب ئس خسِسہ نرار ہرا ترند توار ئٹ ترخا۔
تراب ئٹ ٹپی مننگ نا حوال رسینگانے۔
تدینی آن گڈ نا درست آ بندغ آک ہمو ہند آن نرنگ ئٹ سر سہب مسر۔ پولیس و فورسز آک بھلو کچ اسیٹی ہمو ہند آ سر مرسہ علاقہ ءِ گھیڑ ئٹ ہلکر، جلہو کار آتے پٹنگ بناء کریر۔
یاتی مرے کہ پن کروک علاقہ ٹی بلوچ آجوئی دوست گل آک متحرک ءُ، داسکان ہچو گل ئس ذمہ واری ءِ ارفتنے۔