بلوچستان نا بنجائی شار شال آن 16 فروری آ پاکستانی لشکر اسہ بندغ ئسے دزگیر کننگ آن گڈ بیگواہ کرینے، اندن بلوچستان نا ضلع کچھی آن اِرا بندغ نادرست آ سلہہ بند بندغ آتا دو آن برمتہ کننگانو۔
شابیتی حوال تا رد ئٹ پاکستانی لشکر نارواڑی نا ہندی ظریف خان سمالانی نا مار ہیبت ءِ دزگیر کننگ آن گڈ بے ڈس ءُ ہند ئسے درینو ہراکان گڈ اونا بارو ئٹ ہچو معلومداری رسینگتنے۔ پن کروک بندغ کولا کانڑ نا کاروبار کیک۔
اندن زوراکی ئٹ بیگواہ کننگوک انور نا مار سرور آجو مرسا اُراغا سر مسنے۔
ایلو کنڈ آن حوال رسینگانے کہ بلوچستان نا ضلع کچھی آن سلہہ بند بندغ آک خیبر پختونخوا نا ضلع قطبی وزیرستان آن تعلقداری تخوک اِرا مزور ءِ برمتہ کرینو۔
لیویز کوالخواہ تا پاننگ ءِ کہ پن کروک مزورک علیار شاہ ٹی کرشنگ پلانٹ آ کاریم کننگ اسر کہ اوفتے سلہہ بندغ آک برمتہ کرسا تینتو دیر۔
فورسز آک تدینی آن گڈ علاقہ ءِ پلویڑ کرسا ودیک پٹ و پول بناء کریر۔