پاکستانی لشکر شاہرگ نا تیوہ علاقہ ءِ پلویڑ ئٹ ہلک۔
حوال آتا رد ئٹ بولان آپریشن ئٹ پاکستانی لشکر بریسہ شاہرگ نا علاقہ ءِ پلویڑ ئٹ ہلکنے۔
ہندی حوالی ٹی بی پی ءِ پارے کہ اینو پاکستانی لشکر نا پیدل کارندہ غاتا بھلو کچ ئس علاقہ ٹی سر مس وختس کہ ہندا وخت آ ہیلی کاپٹر آتا بال کننگ ہم برجاء مس۔
او پارے کہ دا وخت آ شاہرگ ءِ چارمہ کنڈ آن پاکستانی لشکر پلویڑ ئٹ ہلکنے۔
یاتی مرے کہ درو آن بولان و ایب کیب ئٹ پاکستانی لشکر نا پارہ غان بھلو کچ اسیٹی فوجی آپریشن برجاء ءِ۔
ہندا وخت آ جتاء علاقہ غاتیٹی ہیلی کاپٹر آتیٹ سم کاری و میزائل فائر کننگ نا حوال ءِ وختس کہ آباتی تیا تالان علاقہ غا تیا مارٹر گولہ خلنگو۔
علاقہ پلوہڑ ئٹ مننگ نا سوب آپریشن ئٹ جانی و مالی نسخان آتا باروئٹ دائسکان ہچو حوال ئس رسینگتنے۔