بلوچستان نا ضلع خضدار نا تحصیل نال یوسی ڈھل چنال ئٹ سورک نا دین ئنا تالان مننگ آن اِرا چنا کسکر اندن کیہیک زیمی مسر۔
تحصیل نال نا چیئرمین حاجی احمد نواز بلوچ حوالکاری نمائندہ تیتون ہیت کریسہ پارے کہ محکمہ جانجوڑی نال ئٹ وخت آ سورک نا دین ءِ تورے۔
او پارے کہ خدا کپ اگہ ناجوڑی ءِ توننگ کن محکمہ جانجوڑی نا پارہ غان بے ذمہ واری نا درشانی کننگا گڑا دین تیوہ غا علاقہ ئٹ گیشتر ترندی ئٹ تالان مریک ہراڑان پد اودے توننگ محکمہ جانجوڑی نا وس ئٹ مفرو۔
او بڑزکو کوالخواہ تیان خواست کرے کہ دمدستی ڈاکٹر آتا ٹولی تے رادہ کیر و سورک نا دین ءِ وس ئٹ کننگ مرے۔