غزل
شاعر: عیسیٰ نادان
نن غم تے تینا ڈے ئنا تالان کین ارمان کین
ہر ٹپ ءَ تا دارُو تِخن درمان کین ارمان کین
یا فِکر ءِ مُستی دین نن تینا شہید آتا مُدام
ہر شام اوتا یات ءَ یا دیوان کین ارمان کین
دِسکان کے نن اندُنو حالت ئسیٹی اُن سلوک
نن کَٹ کین ام گَل مفن تاوان کین ارمان کین
دروشُم تو تینا پیغلہ غا نے انت مسّک اُف اڑے
نا بخت ءِ شُوم آ یاد نن اوتان کین ارمان کین
دا لوٹ ءِ سنگت جُہد ئنا کے دا سفر ٹی مُرغُنا
ہر گند ئنا ہیتے بِنن جی جان کین ارمان کین
نا لوز لوزان چُٹِّرہ تلخیک دڑد آتا چڑہ
نا شاعری تے غور نن نادان کین ارمان کین