ضلع مستونگ نا ہندی صحافی نیاز بلوچ آ پولیس بیدادی نا برخلاف مستونگ ئٹ بنجاہی کسر ءِ بند کننگا۔
حوال آتا رد ئٹ آل بلوچستان بے روزگار یونین و زمیاد یونین پولیس فورس نا چنکا گاڑی تیان زوراکی ئٹ بھتہ ہلنگ ءِ نشاندہی کننگ آ صحافی نیاز بلوچ آ بیدادی نا برخلاف کوئٹہ، کراچی بنجاہی کسر ءِ ہندی ہوٹل نا ہند آن تولوک برانز کرسہ ہر وڑ ئنا ہن و بر کن بند کرسہ تولوک برانز کننگا۔
کسر نا بند مننگ آن ہڑتوما پارہ غا گاڑی تا بھلو چر ئس لگا۔
یاتی مرے کہ تدوکا دے پولیس فورسز صحافی ءِ بھاز بیدادی نا گواچی کرسہ اونا موبائل ءِ پلاسر و اودے تنگ کرسہ ویڈیو تے زوراکی ئٹ ڈلیٹ کرفیسر۔