کنا خن تا تیٹی ءِ دسکان رقص ئٹ
او معصوم ءَ چہرہ او زیبا غا بالاد
او ٹاکو خلوکا گچین انگا آواز
بریک چیچلو کیک سلِک خنتہ مونا
او بشخندہ غا زِند رُژنا غا تِیدار
او مہر آن پُر آ ہنین انگا آٹی
او مجلس نا استار دیوان نا تُوبے
تفِک زہن ء یاداتہ چِٹ آ سلیفک
او استاتہ تیٹی دڑوک انگا بندغ
او گشت آتہ زینت ءُ پنداتہ رونق
وتاخ آتہ پُر سوز ءَ شُوکار ءُ نغمہ
او بولان نا لاڑو ءَ جنگُو ءَ مارُو
او نادان نا خنتیان رُدوک انگا سنگت
او شہزادہ تُربت نا شایار ءَ دیدگ
او کمبر کنا ساہ او کمبو ءَ زیبل
کنا خنتہ تیٹی ءِ دسکان رقص ئٹ
عیسیٰ نادان