پاکستان فوج نا کارندہ غاک قبر آتیا سُم کاری کریسہ و کتبہ غاتے پرغسہ قبر آتا ہے شرفی ءِ کریر۔
بلوچستان نا علاقہ بسیمہ ئٹ درو شام ئنا وخت سیاہوزئی نا خلق ئٹ پاکستانی فوج شہید طارق کریم و او نا ایلم شہید عاصم کریم نا قبر آتیا سُم کاری کریسہ و اوفتا کتبہ غاتے پرغسہ قبر آتا بے شرفی ءِ کریر۔
ہندی بندغ آتا پاننگ ءِ کہ فورسز نا بھلو کچ اس قبرستان ءِ پلویڑ کرے، پدان ترند سُم کاری نا توار بننگ ئٹ بس۔ اوفتا پاننگ ءِ کہ فورسز قبر آتا کتبہ غاتے پرغانے اندن قبر آتیا سُم تا نشان ساڑی ءِ۔
بلوچ اسٹوڈنٹس آرگنائزیشن (آزاد) نا باسک طارق کریم بلوچ ءِ 21 اکتوبر 2010 ئٹی کراچی نا علاقہ گلستان جوہر آن پاکستانی لشکر زوراکی ئٹ بیگواہ کریسُس پدان 11 مئی 2011 غا او نا مسخ انگا جون کوئٹہ نا علاقہ سریاب آن خننگا۔
او نا ایلم عاصم کریم بلوچ ءِ 29 اکتوبر 2011 ٹی کوئٹہ غان زوراکی ئٹ بیگواہ کننگا و او نا جون 31 مئی 2011 ٹی پشین نا علاقہ خانو زئی آن خننگا۔